Ölvisholt Brugghús er staðsett í Ölvisholti í Flóahreppi. Brugghúsið er í gömlu fjósi sem gert hefur verið upp af eigendum.

Markmið allt frá upphafi var að framleiða bjór af þeirri tegund og gæðum sem ekki hefði sést hérlendis áður. Í dag er Ölvisholt Brugghús eitt framsæknasta bjórhús á Íslandi. Við erum stolt af vörum okkar sem hvarvetna, innanlands sem erlendis hafa fengið afburða dóma.

Sá metnaður hefur skilað sér í því að Ölvisholt er einn framsæknasti bjórútflytjandi landsins. Vörur fyrirtækisins hafa fengið mjög góða dóma í Danmörku, Svíþjóð, Kanada og Bandaríkjunum.

Framleiðslugeta brugghússins er 300 tonn af bjór á ári en það munu vera 1 milljón litlar bjórflöskur. Samstarfsaðili okkar hér á landi er Karl K. Karlsson í Reykjavík sem sér um alla dreifingu og markaðssetningu á okkar vörum á Íslandi.